Una kantika por el Sejen Aniversaryo de ENKONTROS DE ALHAD de Miriam Sherman

Muestra kerida amiga Miriam Sherman, muy talentuoza en munchas areas i en partikolar eskriviendo kantikas mos izo esta ermoza letra para el oy ke kumplimos el 6en aniversaryo de los Enkontros de Alhad i tambien la enrejistro en un video.

FELIS SESHEN ANIVERSARIO A LOS ENKONTROS DE ALHAD*
(Miriam Sherman)

Oy es un día muy espesial
en muestro kalendario:
En este Enkontro de Alhad
kumplimos ya sesh anyos.
Kale también felisitar
a muestros fondadores,
ke no kedan de lavorar
i meresen loores.
Por esto vamos a fiestar
kon versos i kon kantes
por ke tengamos munchos más
i ke nunka mos manken.

*Kantada komo En el Kafé de Amaneser