eSefarad Noticias del Mundo Sefaradi
El anshugar
Ropas de seda, ropas de lana
Kon ti trushites, novia galana,
Bogos, dantelas, chevres de sirma,
Tules, kurdelas, rizás kon firma.
Avro el baúl después de sien anyos,
Todos pudridos están los panyos.
La novia linda no los uzó.
Tod’ay adientro por siempre kedó.
Mama, te rogo, a mí no me des
Este baúl de tu mansevés,
Porké yo kero mi vida gozar;
En el baúl no la kero deshar.
Matilda Koén-Sarano, Yerushaláyim, Fevrero 1993
Del livro de Matilda Koén-Sarano, Ritmo Antiko,Poezías i kantigas, Yerushaláyim, 2005
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Hermosa poesya Matilda. Me izo rekodrar a mi madre en GanEden este, ke mos iva guadrando savana i manteles , tapones para los kajones del ropero en un baul. El baulkedo kon eya i espartyo lo ke avya kon mi i mi ermana. Aze unos dyas topamos kon mi ija una savan ke tenya guadrada, toda almidonada i bodrada una ermosura. Ma, me dishe «Kualo ke la aga? Esto no se usa mas!!»
un abrazo grande i saludosa ke estes
Una delicia representa siempre, recrearse con las poesias de nuestra Querida y Admirada Matilda Koen Sarano, las cuales atesoran el póso de la sapiencia, y la hermosura de lo eterno …
Me gusta leer ladino, lengua de mis abuelos y anteriores a eyos, gracias por publicar istorias cada semana las leo.