eSefarad Noticias del Mundo Sefaradi
Kompartimos un kompleto programa de literaturas, investigasiones i poesía sefardí.
Matilda Gini Barnatán mos ofrese investigasiones aondando en la lingua sefardí, el enfloresiente período de los djudiós espanyoles antes i dempués de la Expulsión de 1492 en Sefarad i en unotras Muevas Komunitades. Diferensias del Djudeo-espanyol kon el Ladino, ansimezmo kontinuamos kon diferentes temas de investigasiones de Matilda, kreadora de Emisión Sefarad: Las Biblias romanseadas de la Edad Media, los manaderos del profesor Haim Vidal Sephiha i del Profesor i Ebraísta Ángel Sáenz Badillos.
Poesía sefardí: David Fintz Altabé. En Patrimonio muzikal sentimos kantes kontemporáneos komo «Las Tijas» de la kreasión de Flory Jagoda, kontinuamos kon el kante «La Canariera» versión de Marga Grajer. Kurunamos el programa kon el romanse «Ven kerida» en la versión de la kantadera Jana Lewitová.
________________________________________________
Domingo a las 07.30 horas UTC. Lunes a las 10.04 y 20.00 horas UTC
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
