El Dia Internasyonal del Ladino/Judeo-Espanyol se selebrara en Estambol el 8 de Febrero- Programa

Keridos Amigos,
Achakes de los evenimientos tristes ke okurrieron en Paris, el Dia Internasyonal del Ladino/Judeo-Espanyol ke se iva selebrar en Estambol el 11 Enero 2015 se selebrara mas tadre, el 8 de Febrero 2015.

————————————————————————————————-

El Dia Internasyonal del Ladino/Judeo-Espanyol se selebrara en Estambol el 11 Enero 2015, un dia de Alhad kon aktividades ke duraran el dia entero. Empesando a las 11 de la manyana, vamos a tener konferensias, skeches, poeziyas, anekdotas, filmo, sinyatura de livros, un show de komida sefaradi i a la fin un konsierto del grupo de chikos, Estreyikas d’Estambol. Sera un dia ke respondera a todos los 5 sensos de muestros puerpos.

Este dia se organiza por el Sentro Sefaradi d’Estambol kon el apoyo del Gran Rabinato i del Instituto Cervantes. Siguro ke la sola lingua ke se avlara sera el Judeo-Espanyol.

Si keresh asistir a este dia maraviyozo, vos konsejamos de eskrivirvos i apartar vuestro lugar desde agora.

El presio de este dia de aktividades kon komida inkluida sera 30TL ke puedesh embiyar al kuento de bank del Sentro Sefaradi.Garanti Bankası, Şişli Şb. No de Kuento: 9089196 / IBAN no: TR73 0006 2000 1520 0009 0891 96

Akel dia muestro Sentro kitara un El Amaneser espesial, echo en papel spesial. Si keresh azervos sponsores en dando reklames a muestra gazeta vos rogamos de kontaktar a la Sra. Emel Benbasat.

Para kontaktar e-mail: sephardiccenter@gmail.com

Dia Internasyonal del Ladino/Judeo-Espanyol  

Alhad , 11 Enero 2015; Sentro Kultural del Neve-Shalom de las 11 (de la manyana) asta las 6 (de la tarde)

11:00 Inaugurasyon

Silvyo Ovadya & Karen Şarhon

La kantika del dia kon la orkestra (Aşamayim Stars)

Mesajes videos del mundo entero

11:15 Fani Ender konferensia (Mi Chikez)

11:40 Güler Orgun Centropa film

12:00 Kestiones i antrakt para kafe en oyendo a kantes sefardis de Los Pasharos Sefaradis

12:15 Esti Saul konferensia Leopold Levy

12:30 Ceni Franko prezentasion de komidas sefardis difisiles a azer

13:15 – 14:00 Antrakt para komer

14:00 Prezentasion Anna Eskenazi, Süzet Herman & Karen Şarhon  terminando kon la kantika Kantan las Sardelas

15:00 Pablo Martin Asuero konferensia sovre la proteksion Espanyola de los judios.

15:30 Mario Levi konferensia sovre su livro Pandispanya 

16:00 Hahambaşı

Aşamayim Stars kantikas

16:20 Alberto Modiano prezentasion de dias

16:35 Jojo Kohen anekdotas

16:50 Antrakt kafe

17:00 – 18:00 Konsierto de Estreyikas d’Estambol

Durante el dia:

Moşe Grosman estara kon mozotros el dia entero kon sus poezias i anekdotas

Egzibisiones:

El Muzeo de la Fondasion de 500 Anyos egzibisyon de fotografiyas “Del Dip del Baul”
Süzet Herman egzibisyon de pinturas (el revenido se dara el Sentro Sefardi de Estambol)

Sinyamiento de livros:

Klara Perahya – diksionaryo

Rifat Birmizrahi – Lo ke Meldavan Muestros Padres

Irvin Mandel – La Famiya Mozotros

Fani Ender – Trezoro Sefaradi

Videos de los mansevos Turkos avlando el Judeo-Espanyol se mostrara

Los estudiantes del Lise Judyo azeran las prezentasiones de las aktividades en Ladino.

El Amaneser espesial saldra para este dia