eSefarad Noticias del Mundo Sefaradi
Ver todos los artículos de esta sección >>
Ni ke puediya pensar ke yo komeriya i no solo komeriya ma me tresaleriya de komer komida de apyo !…. Es justo si no me metiya a gritar kuando era chika i mi se puede premamita trayia el grande plato del apyo a la meza ! Penso ke munchas personas no son enkantados de komer el apyo ! Ma esto es diferente…. Veryyyyyyyyyy diferente ! Por empesar no tiene dinguna golor del apyo i la savor tambien es otra koza. Es vedra ke el apyo, muy amigo del ilgado, se puede guizar de muy munchas manieras diferentes. Vamos avlar i de esto ma en primero vos kontare komo ize mi primera komida de apyo ke me reusho tanto….
LO IZE KON NARANDJAS I BIMBRIYO.
as frutas i la vedrura del apyo i los apyos mizmos kortados komo la mitad del dedo. Kortar tambien dos sevoyas, una karota i una patata de la izma manera. Azer al fondo de una kaldera bastante grande una kama kon las sevoyas, las karotas i la patata. Meter ensima los bimbriyos, el apyo, la verdura del apyo finamente kortada, i rondelas de narandjas…. Vazyar medya kupa de azeyte de oliva, sal, pimyenta preta i el sumo de un limon kon una kuchara de supa enteramente inchida de asukar. Una grande kupa de sumo de narandja, una kupa de agua.
La komida esta pronta kuando todo se emleska un poko i se aze blando.
ATTENSYON; Gostar para ver si ay bastante sal, si la komida esta agra-dulse komo kale ke seya, si la agua se entravo kuando kozyo… Es ansina ke deve de ser. Kontrolar si vos gusta el nivel de azeyte de oliva. Puedesh siempre adjustar los ingredientes asigun la savor de vuestro paladar.
La balansa del limon kon el asukar i el sal kon la azeyte es lo mas importante para la savor de la komida !
Las salatas de Apyo son muy savrozas tambien.
Rayadas kon karotas yogurt, muez, prishil
Rayadas kon mayonez
La supa del apyo kon gueyvo limon i arina.. Pimyenta kolorada.
Apyo rayado kon karne tartikada, gueyvos, prishil,patata rayada i pan o arina. Azer albondigas, echar a la arine i friyirlas,
Ma a mi me plazen lo mas agra-dulse kon narandjas !
Bon appetit…
Sharope Blanco
Estambol
SEFARADIMUESTRO
