eSefarad Noticias del Mundo Sefaradi
Esta obra de teatro se presentó el 26 de febrero en Ashdod en un evento organizado por un profesor de la Universidad Bengurion de Beersheba.
«BONETITO KOLERADO»
-CAPERUCITA ROJA-
EL NARRADOR
En zeman karbon, en un leshano pais moraba una mansebita ke su imma ke era kuzendera la kuzio un bonetito kolerado, una sayita, una kapita y todos la yamaban : » Bonetito Kolerado».
Un dia de alhad su imma haiteo, haiteo y Bonetito Kolerado no vinia hasta ke la disho :
LA MADRE-(gritando)
Bonetito Kolerado ! Bonetito Kolerado ! ande estas ? a la malograda y preta de Bonetito Kolerado ! ven, no te kede amo ni dueño ! bay a lebar la komida a tu awela Freha ke mora en el boske !
LA MADRE-(hablando para ella misma)
Esta vieja meskina esta mehneada ! no kha-shea !! y kosha pa kumplir ! awera ! eso si ! tar-helar ?
Ahi paro ! la mar y el mundo y no la bonda ! Wa ben, ya Bonetito Kolerado ! esta hijita khailea todo el dia sareando siete ha’umas y un forno !! wa ma para !!
BONETITO KOLERADO
A Imma ! ya vengo ! pero ke topado hayado de Imma ke tengo ! hoba ke me entintes en baldiciones todo el dia ! al Dio y los Tzadikim ! komo lo hazere !
a Imma, wa habla ! habla ! eso eraba : halakime wa khadea !!
LA MADRE
Wa mira ya Bonetito Kolerado ! ya te dishi ke no hables kon adama ! el mekshuf del lobo esta bushkando ke tar-helar y sobe kien kaer ! kien le va ya gablear !! ya «Rebi Shi-meon Bar Yohai» !
Wa vai ! kon adabagar ya mi weno !
EL NARRADOR
Bonetito kolerado kojo larkofita kon unas leshinas, dardushas, azzuda freska, letrea y una botea de mahia! (a la vieja la gustaba zohtear ! zohteaba hata ke se la salia el alma y se mahteaba en el katre enlebada, !!! no oye no mira ! walu !
Bonetito Kolerado se metio en el boske adonde moraba la awela Freha pitneando y arrebatando flores ! wa paseando «paseo se wezzo».
Halaki el lobo mek-shuf ! se le mehe-e su nombre ! ke vino enka-deya y la disho :
EL LOBO
Ke hermozza estas esta manyana, me vaya kapara ! ya la reina de la khamra ! ande vas kon esa arkofita yena de todo lo weno ? el golor ya fuheo todos los luwares del boske ! y la mahia ya me duheo ! wa daka zohteare una gotita !
BONETITO KOLERADO
Na legues ni sean tus dias ! vaite daki, lobo preto !
EL NARRADOR
Asina kontesto al Lobito a Bonetito Kolerado !! kon una nia !!
BONETITO KOLERADO
Lobito weno ! ya me bo a la morada de mi awela Freha kesta mehneada y mahteada en un katre dia y noche ! esta de una selaya amarga ! lobito weno !!
EL NARRADOR
Lobito weno ? komo sea su olam yal kefus enkarbonado ! weno ? khalek !
EL LOBO
A Bonetito Kolerado ! wa vay por ese luwar yeno de todo lo weno ! hayaras haberim hermozzos !!
EL NARRADOR
El lobo korio, korio pa yegar antes ke Bonetito Kolerado a la morada de la awela ! la meskina de la vieja no ka-sheaba bien ! miro esa selaya del lobo, se spanto y korio a guardarse en la algorfita !! Iwa el matador del lobo se shahteo sobe la mehneada y la tarhelo de un bokado !! wo por lo ke hizo el messhov le entre un tabardio ke le leve a la meara ! ida sin vuelta ! ke negro mazal ! ke hizo el lobo preto ? se puso la saya y el bonete de awela Freha y se feshkreo en el katre a shohrear !! iwa hizo ke esta muddeado ! Bonetito Kolerado entro en la morada de la awela, llena de eskuranya y dolma, kontenta y arriendo !
Ella miro el hamshush de la awela, no la konessio y la disho :
BONETITO KOLERADO
Awela Freha ! ke orejas khade hoy y manyana tienes !
LA ABUELA
Wa pa oyerte mejor ! mi weno !
A Bonetito Kolerado ! wa aki esto mehneada y yena de mal !!!
Manna mi prima me disho que vendra esta tarde a dar una habla konmigo !!! me vaya kapara por ti y te vea novia debasho del talamon de Elyahu Hanavi
Zahor le Tov !!!
BONETITO KOLERADO
Awela ! ke boka khade un fondak ke tienes !
LA ABUELA
Wa pa tar-helarte mejor ! Ya la preta de Bonetito Kolerado !
EL NARRADOR
El lobo (se lebante kandela en el !) salto sobe Bonetito Kolerado pero eya le shah-teo un tashor en el meoyo y se skapo por la kuerta datras ! iwa ke paso ? el preto del lobo, de la krina ke lentro, se kalbeo por los suelos y le entro la krina y la patalina de la werte ! Bonetito Kolerado korio al boske !
Halaki un kazzador ke estaba passando, miro a Bonetito Kolerado koriendo, la paro y la disho :
EL KAZZADOR
A Bonetito Kolerado ! ande vas kon kara de ankura y tan shetneada ?
BONETITO KOLERADO
A kazzador weno, fukeame ! el Dio te lo halfeara !! el lobo preto tar-helo a mi awela Freha de un bokado y kon buhayuf ! y awera la tene en su tripa aiteando: Bonetito Kolerado ! Bonetito Kolerado ! me esto ahogando ! sakaime daki !! a hijos d’Izrael !
EL KAZZADOR
Ke me stas arrevolviendo y kontando ya Bonetito Kolerado ? a tu awela Freha ? le vo a kojer y le vo a hazer pedassos a esse mamzer de lobo ensiskado y preto !!
EL NARRADOR
El kazzador bushko, bushko y hayo al lobo kon la tripa gorda haziendo una na-assita debasho del arbol ! kojo la skopeta y tiro sobel !
El lobo awera se redmeo sobe el, piso, se muddeo y rah-leo a la meara !
El kazzador le abio la tripa kon una navaja afilada y sako a la awela !
BONETITO KOLERADO
Gracias kazzador weno ! sanito y weno kestes !
EL NARRADOR
Wa ke vos voy a dizzer ? Bonetito Kolerado y la awela Freha se abrassaron y se kontentaron !
FIN
El lobo se fe kapara por eyas !
¿se lo grabó?
Si Bryan hay una grabación de esa presentación teatral-