eSefarad Noticias del Mundo Sefaradi
Reglas de la kompetision:
1. Los partisipantes deven entregar sus poezia asta el 01.08.2013.
2. La poezia deve ser eskrita kon letras latinas i solamente sovre el “Formulario de Partisipasion a la
Kompetision”.
3. Puede partisipar solamente el ke eskrivio la poezia.
4. Kada partisipante puede prezentar a la kompetision una sola poezia.
5. Las poezias seran eksaminadas del punto de vista de sus kontenido, nivel linguistiko, estilo …
Poezias ke no pasaran el examen no puedran partisipar a la kompetision.
6. Las poezias seran publikadas en el sitio de internet www.ladino.org.il , sin el nombre de sus autor. La identidad de los partisipantes sera konosida solamente por el prezidente del djuri.
7. Los laureatos de la kompetision seran los ke resiviran el mas grande numero de votos del djuri.
8. El djuri sera kompozado por 2 reprezentantes de kada “faktor ke apoya”*. Si los votos se desparten
de manera iguala, el voto desizivo sera del prezidente del djuri.
9. La valor de los premios sera komo sige: Primer premio: La metad de la suma kontribuida por los
“faktores ke apoyan”. Segundo premio: la metad, i Treser premio: la sejena parte.
10. El prezidente del djuri sera nominado por el Komite Eksekutivo de la Asosiasion “Arkadash”.
*Faktor de apoyo – un faktor o una persona individuala ke kontribuyeron a la kompetision kon 1000 shekel o mas. El faktor puede nominar dos reprezentantes o demandar ke los nominen a su nombre.
Fuente: Eyal Peretz
