Poesía: KANTIKA DE MI MADRE de Grasia Jak Albuhayre

Grasia Jak Albuhayire

KANTIKA DE MI MADRE 

La kaza moestra kedo leshos,
Muy leshos  –  enToledo
Ay kedaron la kama y la kuna

No yoras mi alma
No yores mi kerida
Yo esto kon ti

Pasimos kaminos largos, largos
Kaminos no konosidos
En la vida ajena agora bivimos
Ma la alma en Toledo deshimos

No yoras mi alma
No yores mi kerida
Tu madre esta kon ti

Kon parientes y ermanos mos espartimos
En el mundo entero mos digitimos
Ma los djidios siempre kedan ermanos
Leshos de Toledo, komo ermanos bivimos

No yoras mi alma
No yores mi kerida
Todos mos vamos arekojer

Grasia Jak Albuhayre