Livrikos de poezia de Gracias Jak Albuhayre

En 2010, Gracias Jack Albuhayre puvliko su sigundo  livriko de poemas, kon la ayuda de Leon Benatov ke tomo el lavoro de eskrivirlos en la komputadora.

Gracias es de Karnobat, sivdad chika en Bulgaria. Era profesora y jurnalista.

Eskrive poezia i proza en bulgaro i poezia en djudeo-espanyol. Eya partisipa aktivamente en el klub «Ladino» de Sofia, Bulgaria.

Este livriko tiene 25 poemas i fue puvlikado en Sofia, Bulgaria en 2010 kon ayuda del klub «Ladino» de la Organizasion de los Djudios de Bulgaria «Sahlom», Sofia i de la Kaza de livros «Emil Shekerdjiyski», Sofia.

En el anyo 2007, Gracia puvliko su primer livriko de poezia kon 28 poemas, grasias a la ayuda de Yonka Bankova ke eskrivio los poemas en la komputadora i del redaktos Trida de Beograot.

Vos rekomendamos de meldar los poemas de estos livrikos. Algunos de estos poemas podesh enkontrar en eSefarad metiendo en el bushkador, enriva a la derecha: «Albuhayre»