eSefarad Noticias del Mundo Sefaradi
Un otó kon proteksia
Un mansevo entró en un parko de otós, para deshar ahí su otó, ma no avía lugar.
Djiró, djiró, djiró en vano. Dezesperado, disho: «Sinyor del mundo, si me das un lugar para meter mi otó, te prometo ke vo mirar el shabat!»
En akel punto uno suvió a su otó i liberó el lugar.
El mansevo metió presto su otó en el lugar vazío i disho, mirando al sielo: «Grasias, no ay menester. Ya topí lugar!»
Kontado por MALKA KALDERON – 2015
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
Shalom Matilda! Es divertido Leer tus cuentos.bueno ke seria si tuviese un libro con tus cuentos. Si ya esta Como lo merco?
Saludos,shalom