Las Notas de Matilda – Kuentos Populares: "LOS EXEMPLOS DE LOS RABINOS" – Exemplo 42

Kada martes, Matilda Koen Sarano mos konta KUENTOS POPULARES..
Los tekstos ke partajamos koresponden a los programas de la seksion «Shabat a la noche»  de Kol Israel  del siklo ke eya mizma melda despues del Notisiario en Ladino .

De los EXEMPLOS DE LOS RABINOS, arrekojidos de manuskriptos ebreos i livros ebreos raros,
publikados por MOSHE GASTER

Traduizidos al ladino por Matilda Koén-Sarano, Yerushaláim, 2011 de la traduksión al espanyol de Amparo Alba Cecilia, «Las primeras colecciones de cuentos hebreos medievales (traducción y estudio)», Universidad Complutense, Madrid, 1986

EXEMPLO 42

Ambezaron muestros maestros: Un djentil preguntó a Rabán Gamliel lo sigiente: » Porké el Santo Bindicho El se reveló a Moshé en el zarzal?»
Le respondió el Rabino: «Si se uviera revelado sovre un aharrovo o sovre una igera, se avría podido dizir ke ay algún lugar en la tierra libre de la Prezensia Divina. Ma se reveló sovre el zarzal, para demonstrarte ke no ay en la tierra dingún lugar libre de la Prezensia Divina».

Fuente foto rabino: UCL LIBRARY