eSefarad Noticias del Mundo Sefaradi
El kuento torna
El ijo tiene un examén en la eskola.
Le dize el padre: «Si vas a tomar sien en el examén, te vo dar sien shekel.»
El ijo torna a kaza i dize al padre: «Papá, dame vente shekel!»
«Vente shekel? Deké?»
«Porké resiví vente en el examén!» le dize el ijo.
Kontado por MATILDA KOEN-SARANO – 2014
Kada martes, Matilda Koen Sarano mos konta sovre kuentos, muzika i otras kozas de su eskritura. Los tekstos ke partajamos koresponden a los programas de la seksion «Shabat a la noche» de Kol Israel del siklo ke eya mizma melda despues del Notisiario en Ladino
