eSefarad Noticias del Mundo Sefaradi
LA RECHETA
Una mujer entra en una farmasía i demanda del farmasista sianid.
El farmasista le demanda: «Para kualo keres sianid?»
Le dize la mujer: «Para matar a mi marido.»
«Addiodió!» dize el farmasista, «Yo no te puedo vender sianid, para matar a tu marido. Es kontra la ley! Me van a kitar el permeso de lavoro i me van a echar en prezión!»
La mujer avre la chanta i kita la fotó de su marido kon la mujer del farmasista.
El farmasista mira la fotó i le dize a la mujer: «No savía ke tienes recheta.»
Kontado por ELISHEVA VENTURA – 2018
Traduizido i redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
