La Seksion en ladino de kada semana del djurnal Shalom de Estambol – 6/5/2015

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos

• Benny Levy, Alias ‘Pierre Victor’ de Moshe a Mao i de Mao a Moshe: Munchos lektores se akodraran por seguro las ermozas palavras pronunsyadas, ay de esto unas kuantas semanas, por el primer Ministro fransez Manuel Valls: “Sin los djudyos la Fransya no seria lo ke es“. Palavras al pareser sinseras ke mos prokuraron a kaji todos, desendyentes de Moshe Rabenu, un sentimyento de verdadero orgolyo i ke despertaron en mi el dezeo de dar de vez en kuando (de una manera irregolar) unos kuantos detalyos sovre los ke fueron “elementes pozitivos en la evolusyon kultural de la Fransya”, los unos nasidos i kresidos en el payis mizmo, los otros migrantes de lugares envezes leshanos de los kualos eyos fueron rondjados… ver mas >>

• Roni Niyego nasyo:  Un varon nasyo en la kaza de Vanessa i Nedim Niyego ke Myerkoles el 6 Mayo fue nombrado Roni Niyego. inyeto de ‘Çela i Eli Alfasa’ ansi ke de ‘muestra kerida kolavoradora Dora i muestro muy estimado ermano Henri’… ver mas >>
  

• Ultimo Seder en el Getto de Varshova:  Despues de la fyesta de Pessah del anyo 2005…En el Monte Simboliko “MİLA 18” del Getto de Varshova, ize la konosensya del Kante “The Last SEDER in the Warshaw Getto” del Rav Shlomo Carlebach. Oganyo es el 10. Aniversaryo de este evento. Seya por esta razon, seya achakes de la relasyon kon mi nombre, tuve el dezeo de partajar kon los lektores la estorya de este Kante… ver mas >>

• El tiempo de tulipas en Estambol: Rengrasiamos İSTANBUL BÜYÜKŞEHİR BELEDİYESİ (La Munisipalidad de Estambol), por la ermozura de la egzibision inovada i estetika kontemporariea de tulipas en Emirgan Korusu. El projekto “Tulip.Comes Back Home” (Las Tulipas Tornan a Kaza), supo transmeter a las jenerasiones futuras el eritaje ansiano kultural i artistiko de la influensa Bizantina. Penso al famozo aforizmo de Hippocrates: “La vida es kurta, el arte es lungo”… ver mas >>

• La Evropa delantre un grande dilemno:  Komo por seguro todos ya lo meldariash en la prensa de la semana pasada, despues la muerte de 700 migrantes undidos en la mar Mediteranea i los multiples nofrajes presedentes de vyejas maonas yenas de ombres i mujeres ke kerian fuyir la prekaridad de sus propyo payiz ande eyos eran sometidos a la krueldad salvaje de dirijentes i shefes sin piadad ni eskrupulo, un grande Kongreso fue organizado kon la partisipasyon de numerozos Estados Evropeos, ke tenia komo prinsipal objetivo de akudir la mas parte de estos desmazalados… ver mas >>
  

• Akodrar i no olvidar nunka:  Antes una semana; komemorimos muestros sej milyones de ermanos ke se muryeron en la Sigunda Gerra
  Mondial. Esta komemorasyon fue en la sinagoga Ashkenaz kon munchos partisipantes. Lo ke me emosyono lo mas fue; la desizyon del Presidente de muestra Komunitad İshak İbrahimzadeh; ke onoro diferentes partes de la komunitad en abrasando (kucaklamak) a todos sin apartamyento (ayırım), yeno de kerensya… ver mas >>