LA SAVOR DE PENSAR A LO KE BIVI… por Sal Amira: SALAMONIKO DAYINDA EN CANAKKALE

Savyendo ke amanyana por la demanyana el papu, mi ermaniko i yo partimos a Estanbol, no puide entrar en esfuenyo.

Toda la noche pensando ke mas no va ver esta sivdad ke siyenpre me tuvo avrigado kon su proteksyon, kon su ermozura, kon su alegriya de mis Sefaradim, i kon todo ke yo syento dulse vidavle.

Mi ermaniko Yako estava ya esperto vistido i su torba/bogo ya estava yenna kon su vestimyenta. Su kara ya estava lavada kon el ayudo de la tanti FURTUNI, la mujer de el onkli SOMOEL.

Kuando avri mis ojos miri al muevo radyo ke merko el onkli. Ya en su kaza tyene elektrisida instalada aze 5 mezes en la JUDERIYA… EL NOMBRE DEL RADYO ES GRAUNDING ..La maraviya de los radyos Almanos.

Kuando sali al patyo de la kaza me enkontri kon la tanti FURTUNI, eya pishin me egzamino atras de mis orejas para estar seguro ke me lavi la kara biyen.

Esta kamareta ke durmimos anoche es la kamareta de mi primo SALAMON, el ijo de mi tiyo…..A lo ke entyendo, SALAMON ya teniya 18 anyos de edad i no kijo ir a la armada TURKA i se fuyo a la PALISTINA kon el ayudo del IRGUN..

VEYO A LA TANTI FORTUNI TAMBIYEN PREPARANDOSE A AZER LA DONDURMA KE VENDE EL ONKLI SOMOEL KON SU ARABAYIKA
DE RUEDAS DE BISIKLETA…

Sal Amira
CHANAKKALELI, EN MIAMI USA.

Rengrasiamos a Sharope Blanko, Direktora de Sefaradimuestro ke mos envio estos eskrito de la parte de Sal Amira.

Fuente: Publicado en Sefaradimuestro – https://groups.yahoo.com/neo/groups/Sefaradimuestro