LA SAVOR DE PENSAR A LO KE BIVI… por Sal Amira: CHIKEZ DE SALAMONIKO

Kuando le di a mi madre la agua del pozo esto oyendo ke estava kantando la kantika ke le agradava ami tanti JANTI antes de partir a Estanbol.

La tanti JANTI ke esta bivyendo agora en KUSKUNCUK un kazal de Estanbul…

NE O BENSIZ EDEBILIR
NE TEMELLI GIDEBILIR
BENDE ONU OYLE BILIR
SAYET GOZDEN IRAKSAK BIZ
AYRILSAKTA BERABERIZ.
(Sin mi eya no puede bivir
Ni se puede por siempre ir.
I yo lo se esto bien
Si muestros ojos no pueden vermos
Estamos endjuntos mizmo separados )
Esta kantika la kanta mi nonna ANULA  kuando sus dos ijas JANTI I RASHEL partyeon para ESTANBOL para mijurar sus edukasiyones ke en CHANAKKALE no puediyan tener.

Las dos ermanas pararon en la kaza de nonna MARI HALIYO LEVI, todos los gastos pagados por mi papu YAKO LEVI. Ke universidad fueron no me akodro  el nombre.

NONA MARI, tiya de mi padre. Vos kontare komo la yamamos nonna:

RESULTO ke mi papu SALAMON, padre de mi padre, se fuyo a la AMERIKA kon un vapor/barko ke izo puerto a Chanakkale i desho atras a mi nona FLOR AMIRA kon 3 kriyaturas: Mi onkli Somoel, mi padre i mi tiya ALEGRE.

Mi nonna FLOR, ya saviya las intinsyones de su marido i el plan era ke en poko tyenpo iva yevarse a su famiya a la AMERIKA…

Sal Amira
CANAKKALELI, EN MIAMI USA.

Rengrasiamos a Sharope Blanko, Direktora de Sefaradimuestro ke mos envio estos eskrito de la parte de Sal Amira.

Fuente: Publicado en Sefaradimuestro – https://groups.yahoo.com/neo/groups/Sefaradimuestro