eSefarad Noticias del Mundo Sefaradi
El Instituto Cervantes de Estambol i el Sentro Sefaradi tomaron la desizion de organizar un kolokyo internasional en el mez de Mayo de 2010. El tema del kolokyo sera “Traduseremos el Quijote al Judeo-Espanyol”. El emfasis del kolokyo sera sovre las aktividades de traduksion en los “workshop”s ke tomaran lugar durante los diyas de lavoro.
Konferensias sovre traduksiones del Quijote i espesialmente los problemas ke se pueden enkontrar durante la traduksion tambien seran kontribusiones importantes.
Komo ya estash todos al koriente, la kriza ekonomika en el mundo mos esta dando negros golpes a los fondos ke puedemos topar para organizar este kolokyo. Es por esto ke no vamos a pueder subvansionar a los partisipantes i les rogamos a los interesados de demandar fondos de sus propias institusiones para partisipar. Siguro ke les puedemos embiyar letras de invitasion ofisiales para ke puedan pedir lo nesesario.
Kon muestros mijores saludos,
Antonio Gil (dir.) Karen ?arhon (coor.)
