eSefarad Noticias del Mundo Sefaradi
Meldar todos los artíkolos de esta seksión
ATRAS
El sat kore, ‘l tiempo para,
Los amostradores smaneyan.
Yo no sali,
No tengo onde
Me konsolo
al’ tješim se stiću.
Me digo a mi mizmo
No tuviendo otro
Vamos vamos – ma no kere kuerpo
El no kere kuerpo i no puede alma
Tela de fumo, nuvlidad de alma,
I en la leshadura una luz
Para mi desinada ama ajena
Paso, paso – kale empesar
Me enkorajan las bozes de los ke no estan
Me stimulan, chiyan:
No por aki – sino adelantre
– ayi esta la gloria
Bodre me, viču:
Ma atras me yeva mi kuerpo
A vozos a vozos.
Eliezer Papo
Eliezer Papo es nasido en Sarajevo, Bosnia i Hercegovina i mora en Israel. Es avokado, rabino, eskritor i profesor en el Departamento de Literatura Ebrea en Ben-Gurion University of the Negev, Beer Sheva, Israel annde ensenya foklor i literatura popular, espesialmente literatura i kultura sefaradi. Tiene eskritos i artikolos en ladino, puvlikasiones i prezentasiones el kongresos i simposios.
Es protagonista del dokumental El ultimo Sefaradi (2003) una produksion de Alea / Televisión Española (TVE) / ARTE G.E.I.E
