"Gizar kon gozo", muevo livro de Matilda Koen-Sarano

Gizar kon gozo

Rekolio de rechetas de kuzina de las Komunitás Sefaradías

 Matilda Koén-Sarano

Akonsejamiento i Realizasión kulinaria
Liora Kelman

Kada kumida es una ópera de arte únika i irrepetible ke sale «a la savor de las manos» ke la aprontan.
Yaprak, sofrito, músaka, biskochos i mas… son sólo una chika parte de la
grande variedad de kumidas ke aparesen en este livro spesial, entitolado
«Gizar kon gozo», i en ebreo «Gizar kon savor de ladino».
Matilda Koén-Sarano arrekojó durante largos anyos rechetas de kuzina
de famiyas sefaradías, en las kualas la tradisión kulinaria i la kultura de la ospitalidad pasaron oralmente de madre a ija. Las rechetas son asezonadas de reflanes, kuentos i kostumbres de ospitalidad i de prezentasión de los platos de los djudiós sefaradís. Las golores i las savores del gizado sefaradí suven de kada pájina de este livro.
El livro inkluye rechetas de 9 lugares en los kualos se avlava el ladino: Turkía, Rodes, Gresia, Bulgaría, Romanía, Saray (Bosna), Italia, Maroko Espanyol i Yerushaláyim, i yega asta las raízes de la kultura kulinaria de los djudiós sefaradís.
El livro «Gizar kon gozo» fue kompozado por Matilda Koén-Sarano,
envestigadora de la kultura del ladino. Matilda nasió en Milano (Italia) en el 1939, en una famiya djudeo-espanyola, orijinaria de Turkía i de Rodes.
Matilda se okupa de la kultura del ladino dezde kaje 30 anyos i en estos
últimos días kompletó la kompozisión de un diksionario ebreo-ladino/
ladino-ebreo, publikado por la Kaza Editora S. Zack.

El livro de kuzina se puede ordenar a la Kaza Editora S. Zack:
zackmt@bezeqint.net
Tel. 02-6537790