En vista de Rachel: “El aparesimiento i desparesimineto de Sefaradim en Senegal del siglo 17”

En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros kada mes sus komentarios sovre distintos butos.

El aparesimiento i desparesimineto de Sefaradim
en Senegal del siglo 17

Komo es ke los Sefaradim en poko tiempo kayimos a ser una tan chika minoridad en el mundo djudio, kuando en el siglo 12 eramos la grande mayoridad?

No avlamos aki de los ultimos 100-150 anyos, kon sus gerras i emigrasiones, integrasion o asimilasion en las kulturas ambientes, ni de la Shoa ke izo despareser komunidades sefaradis enteras.   Ya savemos tambien los golpes matadores ke tuvimos en Espanya antes i despues de la Ekspulsion de 1492.  Ma dainda ay muncho ke no savemos del proseso istoriko ke izo despareser tantos sefaradim.

Topi mas enformasion sovre este tema en un resumen de un livro muevo publikado, “The Forgotten Diaspora” (La Diaspora Olvidada) de Peter Mark i Jose da Silva Horta. El livro, subtitulado “Jewish Communities in West Africa and the Making of the Atlantic World”,  trata de la influensa evropea en la Afrika oksidental en los siglos 16 i 17, kon los djudios konversos egzilados de Portugal ke se aresentaron en la Petite Côte de Senegal.  Estos sefaradis, giyados por un
rabino venido de la komunidad de Amsterdam, formaron komunidades aviertamente djudias en las sivdades de Pordugal i Joal.  El livro transmete munchos detalios sovre la vida de estos djudios: sus sinagogas i institusiones, livros sagrados, kostumbres i vestimientas, ansi ke sus negosio (komersio, sovre todo de espadas), sus relasiones kon los muslumanos (los governadores muslumanos los protejavan kontra los adjentes de la Inkizision), i muncho mas.  En 1620 munchos de esta komunidad se pasaron a la Olanda.  El ultimo kapitolo del livro trata del desparesimiento de estas dos komunidades en la metad del siglo.

Es una estorya ke mos da a entender komo se korto una mas de las ramas espandidas por el mundo del viejo gande arvole sefaradi.

Nota personal: Una ermoza tradision sefaradi bive dainda

Ya savemos ke munchos mansevos, sefaradis o no, oy en dia meten nombres “modernos” o “orijinales”  a sus kriyaturas muevas nasidas.

Ma orozamente, a la kontra de lo ke mos parese, el uzo de meter el nombre del grandpapa o grandmama (nono I nona), una de las mas ermozas tradisiones sefaradis, no se pedrio dainda!

En Avril pasado, grande fue mi alegria kuando me avizaron ke a mi suvriniko Serkan Danon i su mujer Viki en Estambol les nasyo sus primeras kriaturas – buchukes (gemelos), una ijika I un ijiko.   Kon esto mi prima ermana Judith Depas se izo bizbava, I mis suvrinos Hayim I Ester Danon (de Izmir) se izieron “granpapa i granmama.”  Los bebes nasieron chikos, por esto las seremonias tradisionales de berit (sirkonsision) para el ijo,  i las siete kandelas (para la ija) se izieron un mes despues.  I ke nombres tienen los bebes? El chiko es Heymi (Hayim) I la chika es Esli (Ester)!

Profito del privilejio ke tengo en este espasio de eSefarad para ogurar todo bueno a los rezin nasidos, felisitar sus famiyas, i ekspresar mi alegria por este nasimiento i por los ermozos nombres de los bebes.  Komo dizimos en Izmir: “ugurlis
kidemlis ke seygan” -mazal bueno ke tengan i alegria ke traygan a sus parientes.

Komo es ke los Sefaradim en poko tiempo kayimos a ser una tan chika minoridad en el mundo djudio, kuando en el siglo 12 eramos la grande mayoridad?

No avlamos aki de los ultimos 100-150 anyos, kon sus gerras i emigrasiones, integrasion o asimilasion en las kulturas ambientes, ni de la Shoa ke izo despareser komunidades sefaradis enteras. Ya savemos tambien los golpes matadores ke tuvimos en Espanya antes i despues de la Ekspulsion de 1492. Ma dainda ay muncho ke no savemos del proseso istoriko ke izo despareser tantos sefaradim.

Topi mas enformasion sovre este tema en un resumen de un livro muevo publikado, “The Forgotten Diaspora” (La Diaspora Olvidada) de Peter Mark i Jose da Silva Horta. El livro, subtitulado “Jewish Communities in West Africa and the Making of the Atlantic World”, trata de la influensa evropea en la Afrika oksidental en los siglos 16 i 17, kon los djudios konversos egzilados de Portugal ke se aresentaron en la Petite Côte de Senegal. Estos sefaradis, giyados por un rabino venido de la komunidad de Amsterdam, formaron komunidades aviertamente djudias en las sivdades de Pordugal i Joal. El livro transmete munchos detalios sovre la vida de estos djudios: sus sinagogas i institusiones, livros sagrados, kostumbres i vestimientas, ansi ke sus negosio (komersio, sovre todo de espadas), sus relasiones kon los muslumanos (los governadores muslumanos los protejavan kontra los adjentes de la Inkizision), i muncho mas. En 1620 munchos de esta komunidad se pasaron a la Olanda. El ultimo kapitolo del livro trata del desparesimiento de estas dos komunidades en la metad del siglo 17.

Es una estorya ke mos da a entender komo se korto una mas de las ramas espandidas por el mundo del viejo gande arvole sefaradi.

Nota personal: Una ermoza tradision sefaradi bive dainda

Ya savemos ke munchos mansevos, sefaradis o no, oy en dia meten nombres “modernos” o “orijinales” a sus kriyaturas muevas nasidas.

Ma orozamente, a la kontra de lo ke mos parese, el uzo de meter el nombre del grandpapa o grandmama (nono I nona), una de las mas ermozas tradisiones sefaradis, no se pedrio dainda!

En Avril pasado, grande fue mi alegria kuando me avizaron ke a mi suvriniko Serkan Danon i su mujer Viki en Estambol les nasyo sus primeras kriaturas – buchukes (gemelos), una ijika I un ijiko. Kon esto mi prima ermana Judith Depas se izo bizbava, I mis suvrinos Hayim I Ester Danon (de Izmir) se izieron “granpapa i granmama.” Los bebes nasieron chikos, por esto las seremonias tradisionales de berit (sirkonsision) para el ijo, i las siete kandelas (para la ija) se izieron un mes despues. I ke nombres tienen los bebes? El chiko es Heymi (Hayim) I la chika es Esli (Ester)!

Profito del privilejio ke tengo en este espasio de eSefarad para ogurar todo bueno a los rezin nasidos, felisitar sus famiyas, i ekspresar mi alegria por este nasimiento i por los ermozos nombres de los bebes. Komo dizimos en Izmir: “ugurlis kidemlis ke seygan” -mazal bueno ke tengan i alegria ke traygan a sus parientes.

Rachel Amado Bortnick