eSefarad Noticias del Mundo Sefaradi
4.8.2026
A las 17.30 vinyeron los soldados israelyanos. Se fueron kon Yaron endjuntos a la kaza de Adi. La kaza estava yena de vainas de kurshumes. Embasho aviya un teroristo muerto kon roketa RPG en la aldikera. La puerta del abrigo estava burakada entera. Yaron avriyo la Puerta de Abrigo i eskapo de murir por sigunda ves. La puerta estava minada kon bomba de mano ma la bomba no se eksplozo. Dos miraklos en un dia. Aryentro estava todo de ariva abasho. Las paredes yenas de burakos de kurshumes. El kanape al areves, el almaryo kayido a la kanape, la kama del bebe al areves, todos los vistidos enbasho, el Kondisyonador del Ayre arankado de la pared…
Bushkaron en la kaza entera, Adi i los inyetos no estavan en kaza…
«Al areves te lo digo para ke me entyendas…»
Albert Israel
Yerushalayim
Shefe del Sirkolo para Prezervar i Promover la Kultura Sefaradi
