eSefarad Noticias del Mundo Sefaradi
El 2° Dia Internasinal del Ladino en Tufts University de Boston, Massachusetts se selebro el 4 de desembre de 2014 con muncha alegria.
La profesora famosa , la Dra Gloria Ascher es la unika profesora universitaria en los Estados Unidas ke ofrese una klase para credito eskolar.
Sus estudiantes, mansevos de Ladino Basico mos kantaron kantigas y mos meldaron poesias.
Entre los musafires estava Stanley Habib y Lea ,fija de muestra Matilde Sarano-Koen.
Después,gozamos de komidas muestras-filikas de espinaka,halvah, fritatas,kezos,etc.
Los mansevos eskucharon a mosotros,muestras historias de la kultura. Dinguno de eyos eran sefarditas -la majoria ni eran djudios!!
Ama estavan mui interesados. Yo kreo ke el lavora ke faze Gloria en Tufts pasa la kultura i la lingua un poko a la siguiente djenerasyion.
Yo kreo ke ay un menester grande de ofreser klases en las universidades komo fazen en Tufts. Tienen ke ser komo parte de estudios en departamentos en Lenguas, Estudios Djudaikos, o Historia. Ansina ,va a tener un valor a lo menos en la vida eskolar.Mas mijor ke el Ladino keda komo una lengua eskolar ke una lengua olvidada.
