eSefarad Noticias del Mundo Sefaradi
Medi Cohen-Malki es nasida i mora en Yeruyalayim, de padres ke yegaron de Izmir. Tiene estudios en la Universaidad de Yerushalayim, Profesora, poeta i kompozitora, konduse un program de radio en Kol Israel.
Mos eskrivira en esta seksion sovre distintos tema de la istroia, kultura i kostumbres sefaradíes i tambien de aktualidad, asigun sus investigasiones.
Ver todos los artículos de esta sección >>
Eliezer Ben Yehuda, el renovador del Ebreo (1858-1922)
Segun el artikolo del instituto para edukasion Djudia demokratika, Meytarim
Eliezer Ben yehuda nasio en Belarus, a una famiya ultraortodoksa Hasidika.
Kuando tenia 5 anyos, el devinio guerfano i se ambezo en la Yeshiva. Mas tadre el empeso a ambezarse la medisina en Paris, ma seso sus Estudios en segito de su hazinura de tuberkulozis.
Dezde akeos tiempos, el empeso a publikar artikulos en favor del renovamiento de la lingua Ebrea, pretendiendo ke el renasimiento de los djidios sera kuando eyos biviran en Eretz Israel i avlaran la lingua Ebrea. Asta akel tiempo, el Ebreo se avlava i se utilizava komo lingua santa.
El se kazo kon Devora Yunes i en el 1881, izo Aliya a Eretz Israel. Despues de poko tiempo, el empeso a lavorar nel jurnal Havatzelet (Lirio), i mas tadre, el fundo 2 jurnales , tambien en Ebreo: Mevasaret Tzion i Hatzvi.
En el 1882, nasio su primer ijo ke fue yamado Itamar. En su kaza se sintia solo el Ebreo. Ben Yehuda eskrivio livros de estudio i ensenyo en Ebreo, en la eskola Haviv.
En el 1890, el fundo el komite de la lingua Ebrea, ke su buto fue de aprontar la lingua para ke sea utilizada en todos los ambitos de la vida, i para ke sea avlada de manera korrekta .
En el 1891, su mujer Devora murio i lo desho kon sinko kriaturas guerfanas, ke 3 de eyas murieron despues unos kuantos mezes de hazinuras. La ermana chika de su mujer, Hemda, propozo ayudarle kon las kriaturas, i en el 1892 se kazo kon el.
Ben Yehuda kontinuo en el proyekto de su vida. Ademas, el eskrivio un diksionario para amostrar el gran vokabulario ke puede ser utilizado. Este es diksionario istoriko, kon los raises de las palavras. El envevento i renovo el vokabulario Ebreo.
Para los veteranos ke moravan de antes en Eretz Israel , fue muy difisil de akseptar a este proyekto de Ben Yehuda. Los ultraortodoksos denunsiaron sovre el al rejimen otomano, diziendo ke el estava planifikando una revolta. Ben Yehuda fue arestado i liberado despues de la presion de unos faktores moderados.
Tambien, algunos lideres Zionistas, salieron kontra el renovamiento de las palavras en la lingua. En el 1913, el partisipo en lo ke es yamado:»La Gerra de las linguas» Esta diskusion ezbrocho en segito de la egzijensia del movimiento Ezra, (ke kontribuyo moneda para fraguar el Tehniyon en Haifa), ke en este instituo ambezen en la lingua Alleman.
Esta diskusion se espandio de Haifa a los otros sistemas edukativos de Eretz Israel. En el 1914, la gerra de las linguas se termino kon la viktoria de los apoyantes de Ebreo.
En el 1919 Ben Yehuda konvensio al governador de Eretz Israel, Herbert Samuel, a deklarar el Ebreo komo una de las tres linguas del mandato Inglez en Eretz Israel.
Eliezer ben Yehuda murio en el frente del monte del templo en 1922, i fue enterrado en el Monte de las Ulivas, frente del monte del templo.
Medi Cohen Malki
2012 – Yerushalayim
Shalom,
Muy interesante artíulo,todá ravá !!!!!
Am Israel Jai
Shabat Shalom
A la aportacion de Ben Yehuda, le debe la lengua hebrea su actualizacion, gracias al esfuerzo y dedicacion por él emprendidos con el fin de renovarla y enriquecerla en vocablos y expresiones de uso corriente hoy en dia …
La transcendencia de tal contribucion es tanto mas significativa por cuanto ha permitido al pueblo judio reanudar con su lengua secular, y al Estado de Israel, dotarse de ella como lengua oficial y referencial …