“Antolojía de Kuentos Sefaradíes” Kapítolo I: Kuentos de Kulli: 9. EL PEAJE por Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

———————————————————–

9. EL PEAJE

El leon i el resto de animales iban por el kamino, i avia entre eyos uno ke se yama raposa(1). Pasaron por un lugar ke el hamor(2) era komersero ayi, ke tomava komerso de todos lo ke pasavan por su tierra. Kuando los vido venir, se aserko onde eyos, diziendoles:

– Dame komerso

Le disho la raposa:

– ¿Ke modo de animo tienes de demandarmos komerso, saviendo ke el leon, ke es el rey de los animales, esta kon nos?

I ansí se aravio el leon i le fue ensima, i lo arevato a el hamor; i despues ke lo mato, se lo dio a la rapoza ke se lo apareje para komerlo. Toma la rapoza a el hamor i lo fue kortando kada miembro aparte. Vido el korason, lo tomo i se lo komio, Kuando vino el leon a komer, le demando a la rapoza:

– ¿Onde esta el korason de este hamor?

Le arespondio diziendo:

– ¡A, mi senyor! Si tuviera korason, no akometia a demandar komerso del rey.

– – – – – – – – – – –

(1) Zorro

(2) Azno, Burro

——————————————–

Kon antesedente en el Yalqut, las Sifte Koben i los Imre no’am, la favula sirve de eksplikasion a las palavras ke el Dió disho a Moshe: «El korason del Faraon se ha enduresido i non kere deshar salir al puevlo» (Ex. 7-14). Resalta sovre sus varias ensenyansas el respekto a los komandantes, sin doblez ni reserva. Segimos el folio 36a de la edision sitada.

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo I: Kuentos de Kulli