“Antolojía de Kuentos Sefaradíes” de Pascual Pascual Recuero – Kapítolo IV – Kuentos de Mitrani: 60. DISKURSO DE LA KORONA trasliteración de Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

———————————————————–

60. DISKURSO DE LA KORONA

Un rey de los romanos, el dia ke vinieron todo su puevlo por enreinarlo i por meter korona de reino sovre su kavesa, en akea ora tomó el rey la korona kon dos sus manos i disho dichas avlas:

– ¡Korona! ¡Korona! Si era savido a la djente las angustyas i los males ke se arekresen de ti,  aunke te topavan en medyo de la plasa echada entre las piedras, no espandian mano por alevnatarla i tomarla. I yo por esklavo so vendido a este puevlo por servirlos, i no por senyorear i reinar sovre eyos. I esta korona no es senyal de reinado, otro ke kadenas de fiero i djugo grande sovre mi kavesa.

I dichas avlas fueron alavadas en todos los reinados, I alargó días i podestó mas ke todos los reis de Rómi.

—————————————–

Al morir Moises, el Dió enkomendo a Josué la komanda suprema sovre su puevlo. (Js.1 1-2), karo muy envidiado, komo otros munchos, por los ke no entienden ke los kargos don para servir a los demás. El pasaje, con todas sus konsidersiones previas, fue tomado de Rishon leSion, i producido por Menahem Mitrani, en su komentario ladino para M.L.Josué (1° edision, Viena 1856, folio 21 a)

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo IV: Kuentos de Mitrani.