“Antolojía de Kuentos Sefaradíes” de Pascual Pascual Recuero – Kapítolo I – Kuentos de Kulli: 25. LAS PIEDRAS DEL KAMINO por Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

———————————————————–

25. LAS PIEDRAS DEL KAMINO

Una presona baría su kampo i su kortijo, i echava las piedras en lugar puvliko en medio del kamino. Lo topó un savio i lo ariftó, diziendo:

– ¿Ke sentido tienes de desvarasar el lugar ke no es tuyo, i echarlo en el lugar ke es tuyo?

Por la ora le izo burla, siendo no entendio lo ke le kijo dizir.

Despues de dias, enprovesio dicha presona, atanto ke tuvo ovligasion de vender su kampo, i kada vez ke pazava por akel kamino iva entropezando en akeyas piedras. entonses entendio el sentido i atorgo entre si, diziendo:

– Bien me disho akel savio ke no tuve sentido de kitar las piedras del kampo ke no era mi lugar, ke aunke era mio, ma ya veo ke agora me kede sin el, ke ya lo vendi a otro, siendo este mundo es un galgal (1) ke va arodeando, i ke el riko no se tenga por seguro. Lo kual el lugar de todos, ke akel kamino siempre es mio  toda mi vida en kualker ora ke kero kaminar en el.

(1) Rueda

—————————————–

Entre los kavzos de la ley de la Torá ke está a kontunear del Dekalogo (o Dodekalogo), el tratado mishnaiko Bava Qamma mos da el komentario sefaradí de este kuento de arepentimiento, a proposito de Ex 21-28 ke traskrivimos del M.L. Eksodo (2da parte) kon los dos sigientes, ultima parte ke dejó el propio Kulli (8va edision, Izmir 1865, folio 19 b-c)

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo I: Kuentos de Kulli