eSefarad Noticias del Mundo Sefaradi
La melodiya es una karesya a mi alma
Una boz ke de muy leshos me yama
Veyo un puevlo, firyido, solo, en el espanto
Mos vas a oyir ? Terminara muestro kastigo ?
Fina kuando Adonay tendremos ke sufrir?
Kuando el odyo va amahar i mos vas a bendizir?
Kuando konoseramos la paz para en paz bivir?
Empesaremos por fin sin eskondermos egzistir!
Tus Paredes, Tu Luz i Tu Boz mos mankan!
Somos kreaturas sin kaminos ke mos yevan
No savemos komo yegar fina Ti, ke azer…
Komo kererTe, komo sintirTe, komo komprender …
Sos Muestra Fuersa, El Uniko en Ken konfiyamos
Muestra sola Esperansa, el Braso de muestros ijos
Sos el Amor ke nesesitamos, Di-o de muestros Padres!
Amostramos kon tus maraviyas por fin ke mos keres!
Sharope Blanco
Agosto, 2009
