eSefarad Noticias del Mundo Sefaradi
Shalom. Me yamo Natan Shtayn. Bienvinidos al kanal ofisial de la Autoridad Nasionala del Ladino i su Kultura un organismo ofisial en el Estado de Israel ke fue kreado a fin de asegurar una aktividad duradera para el mantenimiento i la promosyon del ladino i de su kultura.
Estamos muy orozos de tenervos aki en este kanal.
Aki en basho podrash topar munchas kozas muy interesantes sovre el ladino o djudeo-espanyol, o djudió o djudezmo i su kultura muy espesiala.
Las istorias personalas son filmos ke fueron kreados por el mediko Iztako, son dokumentales de avlantes del ladino de varios paizes ke kontas de sus vidas.
Debasho de esto toparash romansas, kantigas i kantes del siklo de la vida del Proyekto del Folklor de la Emisyon Djudeo-Espanyola de Kol Israel, la radio nasionala de Israel i mas debasho un trezoro mas, vos trujimos sketches raros, muy komikos, ke tambien fueron enredjistrados en Kol Israel aze munchos anyos atras i ke los kitimos de olvido i transferimos a media dijital.
Tambien adjustimos la koleksion de la investigadera la doktora Shoshana Weich-Shahak i un link a la koleksion del doktor Itzhak Levy .
Dezeamos ke gozesh de muestro kanal!
