UNA VIDA DE SINEMA «STEVEN SPIELBERG» trezladado por Simon Geron

Keridos amigos i amigas.

En Reader’s Digest topi un artículo muevo «Steven Spielberg» presentado por «Jonathan Dean».
Kuando Steven vido a su madre tener una relasion kon otro, tenia 16 anyos i estava en kampamento kon sus 3 ermanas, su padre «Arnold», su madre «Leah» i Bernie su mejor amigo. Estavan pasionados a azer filmos i el vido en su Super 8 kamera los momentos de azer el amor entre Leah i Bernie. En poko tiempo la madre de Spielberg se kazo kon Bernie kuando Arnold aksepto su kulpabilidad por el divorsio. Fue un momento ke troko la vida de Spielberg i fue la razon por ke su madre estava asolada de sus kriaturas por muncho tiempo. Los temas de los filmos produsidos por Spelberg tenian de azer kon esta istoria. El filmo ke el avia echo troko la relasion kon sus parientes. Sovre todo kon su madre. Despues de esto el no pudo ver mas a su madre komo su pariente i la vido komo un ser umano kon sus vulnerabilidades. Lo vido en si tambien. Preferava tener 10 anyos de mas para verla komo su madre. Tenia una relasion serkana kon eya i el sekreto los avia traido endjuntos.
Saludes a todos.

UNA VIDA DE SINEMA «STEVEN SPIELBERG»

Spielberg tiene 76 anyos i es uno de los padres del sinema moderno, al lado de su amigo «Martin Scorsese» i «Francis Ford Coppola» kon ken se iva desde los 20. Mirando alderedor de la kamareta, se ve una vazo de monokrome i una meza de tavla kon livros. Poko se ve de el asta ke kita el sigarro i en 5 minutos se ven sus 5 filmos favoritos «For me? ‘Jaws, The Extra Terrestial E.T .Saving Private Ryan, A.I. Artifial Intelligence, Minority Report». Se pueden nomar 5 de otros manyana.

«The Fabelmans» viene en el rango 33 i resivio 7 Oscares i trata de su chikes. Dize ke todos sus filmos tienen un moral. Los nombres son trokados, pero la istoria es verdadera. El joven Spielberg en el filmo se yama «Sammy». Su madre le demandava kuando iva kontar sus istoria? Eya le avia dado muncho material. Ma no era parte de su plano de azer algo biografiko. Keria kontar kozas en publiko de lo ke se dizia en privado.

Kuando vino el tiempo de no tener muncho a azer, komo en Covid, se metio a arekojer unas memorias. Venia de piedrer a su madre en 2017. El divorsio en 1966 fue un dezastre para el i el pasado no se olvidava. Su padre nunka avlaria de esto, ma era el ke sufria mas. Mostrar el filmo a «Annie, Susie, i Nancy», sus ermanas, no fue fasil.

Era uno ke no mirava a la fin de la istoria i mas al empesijo. Porke? El se rie. diziendo ke «en kada manyana ke se desperta, es el primer akto para el». Se mete un polvo de asukar sovre esto i se enfrenta la vida. Lo akuzan de ser «over sentimantal» sovre todo kon los fin.

En su primer filmo «Crashing A Train», se ve ke el kuando era chiko, era «Bullied» i era un akto Antisemito ke se kedo kon el en los anyos 1960. El filmo ke lo izo inyervozo era «Schindler’s List», un tribute a sus parientes i la famiya djudia. Lo ke aze de el este filmo es mirar a la kestion «Ken so?».

«Stanley Kubrick» le disho una vez «Konta las istorias ke te interesan sin pausa i no las istorias ke seran interesantes a otros». Spielberg no esta a la fin de su karriera i de su konsejo. Lo ke konta es ir a la proxima istoria. Korrer sin fin.

Trezladado por Simon Geron de Sydney

Fuente: Ladinokomunita