| Versos de moral La pasensia es dolorioza i amarga,
eya asemeja a una pezgada karga;
ma es bien agradavle su fruto,
kuando se alkansa el buto.
El eroe se konose en el kombate,
ke triomfa i kamina avante;
kuanto a el ombre savido,
en su ravia es konosido.
De un mal konosido no te krevantes,
no te deskorajes ni te espantes;
ma de un mal enkovierte,
guadrate muncho, por estar sierto.
Si te topas en mala situasion,
no piedras tu tiempo, sin aksion,
topa el remedio, perkora alora,
de salvar dela triste ora.
Malisia kon entelijensa aunada,
no es koza de ser alavada;
siendo endjentra semiente danioza,
la kuala es terivle i veninoza.
El ombre endjeniozo i prudente,
es alavado por toda la djente;
siendo kon su endjenio i prudensia,
el asigora mas su egzistensia. Moralista | Traducción: Versos morales La paciencia es dolorosa y amarga,
parece una carga pesada;
pero su fruto es muy agradable
cuando llega a su fin.
El héroe se conoce en el combate,
quien triunfa y marcha adelante
respecto a un hombre sabio
al que se conoce en su ira.
Del mal conocido no te debilitarás,
no te desanimarás ni temerás;
pero de un mal secreto,
guárdate bien, para estar seguro.
Si te encuentras en una mala situación,
no pierdas el tiempo sin actuar,
busca el remedio, inténtalo entonces,
para salvarte de los momentos tristes.
La malicia unida a la inteligencia,
no es algo digno de elogio;
ya que crea una semilla peligrosa,
terrible y venenosa.
El hombre ingenioso y prudente,
es alabado por todo el pueblo;
ya que con su ingenio y precaución,
garantiza más su existencia. El moralista |
eSefarad Noticias del Mundo Sefaradi
