En el paiz de las oportunidades La Amerika es paiz de oportunidad,
ninguno puede niegar esta verdad;
la Amerika ofre a todos los sivdadenos
avantadjes en todos sus kaminos. Aki en Amerika, por azer sukseso,
kale despyegar asforso imenso,
kale lavorar mientres toda la vida,
por alkansar la reushida. La Amerika, es un paiz de maravia,
al ke vimos prove un dia,
lo vimos despues breliando,
i el sukseso alkansando. Un otro, ke era ayer potente,
no tuviendo minister de ninguna djente;
lo vimos supito en la mezeria,
i se va en vano toda su lazoria. En este paiz, ninguno puede vantarse,
mizmo riko, a la kama echarse;
una kayida basta por aflakarlo,
i en la mizeria ronjarlo, es un paiz loko, no bazado,
uno kaye, otro es lavantado;
uno abasha, otro suve dekontino,
kuantunke no lo tenia en tino. Ningun ombre puede estar siguro,
kualo le rezerva el futuro;
es por esto ke kale siempre lavorar,
lavorar dia i noche, sin repozar. La eskalera dela vida es grandioza,
ay kien la suve de una manera presoroza,
ay kien la suve paso a paso,
i enkontra mil i un embaraso. Ay ombres ke suven munchos eskalones,
kon muncho koradje, komo los liones;
ay otros ke no tienen la fuersa,
malgrado sus ambision imensa. I despues ay el selo ke pusha,
i a kualonke ombre arempusha;
a suvir los eskalones dela vida,
unikamente por alkansar la reushida. Ay ombres ke se dan tanta presura,
por suvir ala altura;
ma, supito kayen sin saver,
i se topan en el aver. Es por esto, ke kale tener pasiensia,
suvir la eskalera kon konsensia;
suvirla alora grado a grado,
para bivir algo repozado! El ke lavora siguramente alkansa,
el ke no produize tiene mankansa;
el ke pensa al dia de manyana,
topa la vida mas livyana. No kale tener embedia dela djente,
no kale bivir tambien indiferente;
kada uno deve ozar abilidad,
en este paiz dela oportunidad. Lavoro, intelijensa i ekonomia,
deve mostrar kada kapo de famia,
son los 3 elementos ministerozos,
para pueder bivir prosperozos! Aki, kale bivir siempre kon esperansa,
el ke kere bivir, nunka se kansa,
el ke dezia bivir kon ulgora,
deve mostrar siempre bravora. Por no kedar siempre esklavo,
el ombre deve ser korajozo i bravo;
el koraje, es de grande nesesidad,
para alkansar la prosperidad! No kale kedar kon las manos apligadas,
no kale deshar las agilas akantonadas;
ay menester saver investarlas,
i de mas en mas, pujarlas! Kale azer kolonke modo de tantativa,
despegar kolonke enerjia biva;
lavorar kon el solo buto,
de alkansar el dezido fruto! El plieto por la vida es minestirozo,
para render a el ombre orozo;
kale saver yevarlo kon kontensia,
kon el lavoro, ekonomia i pasensia! Alberto Levi | Traducción: En la tierra de las oportunidades Estados Unidos es la tierra de las oportunidades,
nadie puede negar esta verdad;
Estados Unidos ofrece a todos los ciudadanos
ventajas en todas sus empresas. Aquí en Estados Unidos, para tener éxito,
uno debe hacer un esfuerzo inmenso,
debe trabajar durante toda su vida,
para obtener el éxito. Estados Unidos es un lugar de maravillas,
alguien a quien vimos pobre un día,
lo vimos después de brillar
y alcanzar el éxito. Otro que ayer era fuerte al
no tener necesidad de ningún pueblo,
lo vemos de repente en la miseria,
y en vano cae en la pobreza. En esta tierra nadie puede presumir
ni siquiera un rico, al fin y al cabo; basta una caída para debilitarlo
y arrojarlo a la miseria; En un terreno loco, sin estructura,
uno cae, otro sube,
uno baja, otro sube continuamente, aunque no sea su intención. Ningún hombre puede estar seguro
de lo que depara el futuro.
Es por ello que siempre debe trabajar
día y noche, sin descanso. La escalera de la vida es grande,
hay quienes la suben apresuradamente, hay quienes la suben paso a paso, y encuentran mil y un obstáculos. Hay hombres que suben muchos escalones
con mucho coraje, como los leones;
hay otros que no tienen fuerzas,
a pesar de sus inmensas ambiciones. Y después están los celos que empujan
y a cualquiera que empuja con fuerza
a subir los peldaños de la vida
sólo para alcanzar el éxito. Hay hombres que se apresuran demasiado
para ascender de estatus,
pero de repente caen sin saberlo
y se encuentran en el aire [sin suerte]. Por lo tanto, deben tener paciencia
para subir los escalones con atención,
y así subir paso a paso, ¡
para vivir en paz! El que trabaja ciertamente triunfa,
al que no produce nada le falta;
el que piensa en el día de mañana
encuentra una vida más fácil. No hay que tener envidia de la gente,
tampoco hay que vivir con indiferencia,
cada uno debe utilizar sus habilidades
en este país de oportunidades. Trabajo, inteligencia y economía,
todo cabeza de familia debe ostentarlas; ¡son los tres elementos necesarios
para vivir prósperamente! Aquí hay que vivir siempre con esperanza,
el que desea vivir, no se cansa nunca,
el que desea vivir con tranquilidad
debe mostrar siempre valentía. Para no permanecer eternamente esclavo
el hombre debe actuar con coraje y valentía, ¡el coraje es una gran necesidad
para obtener prosperidad! No hay que sentarse ahí con las manos cruzadas, no hay que abandonar a las águilas;
es necesario saber invertir en ellos y cuidarlos cada vez más. ¡Uno debe intentar cualquier modo
de ejercer cualquier energía viva
para trabajar con el objetivo
de alcanzar el fruto deseado! El litigio de por vida es necesario
para hacer feliz a un hombre;
hay que saber tomarlo con contento
con trabajo, economía y paciencia. Alberto Levy |
eSefarad Noticias del Mundo Sefaradi
