eSefarad Noticias del Mundo Sefaradi
Keridos Amigos, aki vos prezento una lista kompleta de los Parlamentarios Judios del Emperio Otomano i de la Turkiya.
Detalyos sovre kada uno i uno de eyos, se topan en el kapitolo 9 de mi livro “Toplumsal Yasamda Turk Yahudileri” [Judios Turkos en
la vida social del pais] (2012) pajinas 117 a 137.
El livro es en Turko, pero esto aparejando una traduksyon en Inglez para Enero o Febrayo. El livro se puede prokurar de Gozlem –Shalom. [www.gozlemkitap.com]
En El Primer Parlamento Otomano (1877-1878)
Parlamentarios: Menahem Salah Daniel (de Bagdad), Avram Aciman (de Istanbul), Avram Efendi (de Manastir), Yaver Efendi (de Bosnia) , Salamon Efendi (de Bosnia), Kemal Samuel Efendi Molho (de Istanbul), i Davidjon Efendi – David Matastya Levi (de Janina). Senatores: David Efendi Karmona i Dr. Jak de Kastro
En el Segundo Parlamento Otomano (1908-1920)
Vitali Haim Faradji (de Istanbul), Emanuel Karaso (de Salonika), Nesim Isak Mazliyah (de Izmir), Ezekiyel Sason (de Bagdad), Viktor Djorbaci (de Istanbul), Prof. Mishon Ventura (de Istanbul). Senatores: Behor Yuda Efendi Eskenazi i Josef Nar
En el Parlamento de la Republika de Turkiya (1923-)
Dr. Samuel Abreyava Marmarali, Prof Avram Galante, Avokato Salamon Adato, Henri Soriano, Isak Altabev, Yusuf Salman (Jozef Salmona), Avokato Erol Dilek, Cefi Kamhi.
Naim Avigdor Guleryuz (eskritor/istoriador de Istanbul)
Fuente: Ladinokomunita
