eSefarad Noticias del Mundo Sefaradi
En los dias pasados, selebrimos una fiesta muy presyoza para las mujeres: “El dia de las madres”. Es verda ke este dia no es tan selebrado aki en Israel, ma en Turkiya -komo en munchos otros paises mas-, es selebrado kon un chiko regalo, un buketo de flores, un bezo kayente, una komida de famiya, oa lo menos, -para las ke tienen sus keridos en paises leshanos-, un chat de Telefono.
Savej komo i kuando se empeso a selebrar esta fiesta ?
El concepto de “ la fiesta de las madres ” ke konosemos oy, lo devemos a una ijika Americana, Anna Jarvis. Anna peryo su madre a 12 anyos. Un anio despues de la muerte de su madre, en el 12 Mayo 1907 Anna organizo en una iglesia de Filadelfia un dia especial para rekuerdarla. En el anyo ke viene, Anna eskrivyo letras i petisyones a munchos politisyanos, ministros i otoridades relijyozas demandando kon insistensya la fundasyon de un dia traditional para todas las madres. I ansi fue ke en 1908, el sigundo alhad del mez de Mayo fue akseptado komo “dia de las madres” no solo en Filadelfia ma en la America entera.
En 1914, los esfuerzos de Anna traspasaron las fronteras de los Estados Unidos, i la Evropa declaro Ofisyalmente este dia de celebración para las madres.
En Turquía la primera selección fue empesada en 1955.
What about savej ken son los primeros padres i madres de la historia?…
Adam i Hava, sin dinguna duda!.. Eyos no tuvieron ni padre ni madre ma tenian un solo pariente: …El Dio !
I el Dio, despues de kriar la tierra i los sielos, los kriyo i la primera koza ke les disho fue :
-“Vos defendo!.. NO! …”
-«¿NO? Kualo NO …?” pregunto hombre,
-“ Ke NO komej de la fruta defendida!” Disho Dio.
-“ ¿ Fruta?.. ¿Fruta ay de komer?.. ¡Olé! ¡¡Ven, korre, Hava ke tenemos fruta defendida!!”
-“Ayde, La komeremos ” disho Havva.
-“¡Noooo!.. no es posible ” disho Adam!
-“ Por sedaka ke NO komej de akeya fruta! ”disho El Dio!
-“ Deke ez esto..?” dishheron los dos de mismo boka.
-“ Porke yo so vuestro padre i ansi vos ordeno ” disho El Dio.
Esto disho, iii…, unos cuantos momentos ma tarde, los aferro en medyo de un grande festino de mansanas.
-“ Yo no vos dishe de no komer de esta fruta ?”
-“ Si ya mos dishites.. maa …”
-“ Maa.. ke maaaa?.. deke comitéij?..”
-“ Es eya ke empeso ” disho Adán,
-“ No es verdad, tu comités el primer ” le disho Hava.
-“ Pero TU me dishites de komerla ” le respondyo Adam,
-“Salsa TU ke…”
-“No,.. TU, si TU …”
I ansi es ke el Dio Baruh-u, viendo ke no va pueder salir Abash (!) kon sus propias kreyaturas, desidio de punisarlos…–de darles una “castigo”-.
La -ceza- fue ke Air sera fekunda i paridera, i dara luz a sus chikos kon grandes dolores. De akel dia en delantre, esto fue el orden del mundo… Un orden ken no cambyo asta muestros tiempos, i nunka kambiara…
Me parese ke tenemos de kitar una konklusion de esta konseja vieja komo muestro mundo. Map por seguro ke la konkluzion no es ke muestros ijos mos son dados en punisyon –en castigo-… No!, esto no es la conklusion..
Yo penso ke la konklusion es ke, kuando mozotros parientes, penando i lazdrando kon amor, pasensya i insitiensia para amostrar a muestros ijos i ijas el kamino derecho, dandoles konsejos i education,… con sus kriansas komo kemes mozotros reushir.??
I es ke,.. Tres madres judas estan asentadas en un cafe debasho de un sol kayente de primavera, charlando. Despues de unos quantos momentos de silensio, una de eyas echo un grande suspiro :
-“¡Ah, ah, ah !”…
-“ ¡ Oooff.. off.. madre mia… off.. !” sospiro profundamente la sigunda.
-“ ¡Ay no!”, “ disho la tresera”, “de muevo el mizmo problem ! ¡Vos akodro ke desidimos ke oy, no ivamos a avlar de muestros ijos!”.
Si, keridos lektores, ser madre kes dizir ansyas i sacrificios sin fin, a empesar del dia de nasimyento… Once tambien dizir grande felisidad, amistad, amor i …antes de todo, orgolio.
(vamos a continuar)
Fani Alyon Ender
Fuente: BÜLTEN de los Turkanos de Israel – turkisrael.org.il
