RESITAL DE MUZIKA I POEZIA SEFARDI KONTEMPORANEA

DIA DE ALHAD, 31 DE MAYO, 19:00 HS.

La tadrada de alhad, 31 de mayo a las 19:00, se ofrese un resital de muzika i poezia sefardi kontemporanea kon Matilda Gini Barnatan i Viviana Rajel Barnatan akompanyadas al piano por Dario Meta Barnatan.

Tres djenerasiones de una mezma famiya kontinuadores de la tradision sefardi ke mos plazera topar kon la prezentasion del disko-livro de serkana produksion ““La ija i la madre komo la unya i la karne”.

Matilda Barnatan es Direktora de la Emision Sefarad de Radio Eksterior de Espanya desde 1986, lavoro ke partaja kon su ija Rajel Barnatan, en un programa en lingua djudeo-espayola. Matilda es eksperta en istoria de los djudios de Sefarad, konosensia ke reflekta en sus poezias. Rajel Barnatan es kantadera, aktrisa i artista plastika. Diversas de sus kompozisiones reusheron kon rekonosimiento internasional en festivales de lingua djudeo-espanyola.
Dario Meta Barnatan kontinua el kamino artistiko de su avuela i su madre kompozando las muzikas de las poezias en akompanyandolas al piano. Tres djenerasiones djuntas en un resital ke, de siguro mos esmovera por su kalidad muzikal i los sentimyentos ke eyos saven transmeter a sujeto de una kultura atada en serka a muestra istoria.

El programa se prezenta en Espacio Ronda, Caleja Ronda de Segovia 50 (Metro Puerta de Toledo) Madrid, i tiene un koste de 5 euros.

Todo modo de informasion podesh demandar al telefon 91 366 1041, o adreso elektroniko: info@upf-spain.org
Armando Lozano
Federacion para la Paz Universal- Madrid