eSefarad Noticias del Mundo Sefaradi
La “Emisión en Sefardí” es un programa kultural de radio, en lingua sefardí o djudeo-espanyol, ke se siente kada lunes enverso Oriente Medio i Mediterráneo i los martes enverso América Norte i Sur.
Matilda i Rajel Barnatán, madre i ija, aparejan i prezentan las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya.
HORARIOS DE EMISIÓN
- ORIENTE MEDIO: lunes 14.25 hs UTC 15.385 banda 19 m
- AMÉRICA DEL SUR martes 01.15 hs UTC 11.795 banda 25 m
- AMÉRICA DEL NORTE martes 04.15 hs UTC 9.650 banda 31 m
PROGRAMA DEL 30/05/2011
- Cantante sefardí: Liliana Benveniste.
- Kantes: «Mes de Mayo». «Ni pudra yeva ni kolor».
- Kantón de la lus: El propósito del esfuerzo en la espiritualidad.
- Inauguración de la Feria del Libro de Madrid.
- Nuevo trabajo musical de Dani Martín: Mira la vida.
——————————————————————————————————————-
EMISIÓN EN SEFARADÍ
Sefarad es uno de los nombres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan.
Ansí “Emisión en Sefardí” guadra el trezoro poétiko de los S. X al XII en uno de los grandes patrimonios kulturales entregados a la umanidad. Ansi mizmo la kreasión kontemporánea arrebive en muestros días i atira el intereso de oyentes de diversos lugares i paízes.
La ‘Emisión Sefarad’ fué galadronada en 1994 en los ‘Primeros Enkontros Internasionales sovre el Djudeo-espanyol’.
Keridas Matilda i Rajel. Ke seash bendichas por vuestro lavoro, i por vuestro amor de la kultura sefaradi!
Ke kontinuesh h munchos anyos mas, kon salud kumplida.
Rachel