Memorias de Crypto Judios por Dora NİYEGO – BÜLTEN de los turkanos de Israel

Kuando los crypto-judios deskuvrieron ke son judios, tuvieron un dezeo de reanimar la kreensia sefaradi de sus antepasados ​​judios. Oy en dia, munchos crypto-judios tienen el dezeo depractic los rituales i los kostumbres judios. Algunos de eyos se estan konvirtiendo al judaizmo, i se estan enstalando en Israel.

Oy, ay munchas asosiasiones de crypto-judios, ande los miembros komparten las estorias de sus famiyas. Vos va eskrivir unas kuantas de estas estorias: ‘Eramos katolikos, ma me estava konsintiendo ke eramos diferentes de los otros katolikos. No komiyamos karne de puerko, min nona asiendiya kandelas las noches de viernes. Aviya agrikulturos ke degoyavan sus beemas, drenavan la sangre, kitavan el inyervo siatiko, i metian la karne en sal. Oy, dainda ay munchas de este tipo de estorias’.

‘Entre los rituales ke eran importantes para las mujeres ke son desendientes de los crypto-judios, ay el akto ritual de purificasion. El mikve, ke es un ritual simbólico en el judaizmo, era el evento más importante en la vida de las mujeres’.

‘Mi nona ke era una fervente katolika aziya orasiones tres veces al dia, subject un shal enriva la kavesa. Eya les ambezo a su famiya decontrolar las gayinas si sus guevos teniyan manchas de sangre. Su dezeo antes de murir, fue de ser enterrada con sus piezas al Oriente. Kuando me engrandesi, bushki en el internet, los nombres de los judios sefaradis, i vide ke las alkunyas de mi famiya tienen origin sefaradi. Akeya vez, entendi ke las tradisiones de min nona, eran tradisiones judias. Es ke yo era judia del dia ke nasi?’

‘Yo so de una famiya de los judios sekretos. Souna cantadera i compositeora profesional de Ladino. Esto azendo esta profesion para ayudar a prezervar mi erensia de familia. Esto eskriviendo kantikas en Ladino en la Muzika kontemporanea para amostrar ke muestra maraviyoza kultura no se muryo, i ke esta biva oy en dia’.

‘Despues de siertas envestigasiones, desquri ke unas tradisiones de mi famiya, eran rituales de los judios sefardis. Por ejemplo, mi madre lavava la karne para ke deshe la sangre; en muestra kaza, kada djueves se gizava karne para viernes la noche (noche de Shabat); no se komiya karne de puerko ni kamarones, teniyamos un arvole de granada en la guerta (komo una tradision); despues de un funeray, mos lavavamos las manos. A mozotros, estas practicas como mos viniya ke son normales, ma por los otros no eran normales. Ay munchas tradisiones ke topimos ke son rituales judios. Mas despues, mos ambezimos ke muncha djente del puevlo judio aparecio aki, i del espanto ke los puediyan matar, guadraron sus relijion sekreta.

‘Antes muchos anyos, la komunidad judia en Espanya keriya merkar tierras en la zona de Barcelona, ​​​​para aparejar un kampo de enverano. El rabino Garzón se fue a Madrid para negociar con el propietario. Era la fin de septiembre. El rabino i el proprietario kedaron dakordo en el presio. El rabino disho ke keriya afirmar los papeles, i ke este echo se eskape. El proprietario le disho ke aviya siertos dias en la semana vinidera ke el no lo puediya azer. El rabino noto estos dias, i kuando miro al kalendario vido ke son los dias de las fiestas judas. Kuando le demando al ombre deke no puediya eskapar este echo en estos dias, el ombre le disho ke en estos dias no puediya tokar paras, i ke en estos dias djugavan kartas.

Kuando torno a Barcelona, ​​el rabino se ambezo ke en el tiempo de la Engizision, los judios se asentavan alrededor de una meza. En sus piernas methian los libros de oración. Kuando un etranjero pasava i los mirava, presto empesavan a djugar kartas. Ansina es ke los Crypto-Judios mantenieron la tradision judia.

Las kartas se yamavan ‘kuviertes’. ‘Barahar kartas’ viene de la palavra ‘beraha’ ke es ‘benediksion’ en ebreo’.

Dora NİYEGO

Fuente: BÜLTEN de los Turkanos de Israel – turkisrael.org.il