PROVERBIOS DE «ELIE WIESEL» trezladado por Simon Geron

Keridos amigos i amigas

——————————————————————————-

PROVERBIOS DE «ELIE WIESEL»

-Tenemos ke tomar parte en lugar de ser neutro, porke en siendo neutro esto ayuda al opresor i no al víktima. El silensio da koraje al tormentor i no al tormentado.

-El oposito del amor no es odio. Es ser indiferente.

-Ay tiempos kuando no se puede prevenir la injustisia. Ma nunka deve aver un tiempo para no protestar.

-La amistad marka a una vida ke es mas profunda ke el amor. El amor se dejenera i se torna a una obsesion. La amistad se komparte.

-No ay rasa ke es superior I ninguna relijión ke es inferior. Los juzgos kolektives son un yerro. Solo los rasistos lo azen.

-Kuando el ombre i la mujer son persegidos por razon de rasa, relijion i vista polítika, el lugar en este momento se aze el sentro del universo.

-La paz es un regalo de uno al otro.

-En siendo indiferente uno muere antes de su tiempo.

-Kuando uno no es rekonosiente, ay algo ke falta en su umanidad.

-Se paso tan presto del getto a la deportasión. El tren estava serrado kon animales arientro. El altar ande se topa la istoria de nuestro puevlo i el futuro del ombre fue sakrifikado.

-Los Judios son resilientes. La mejor karakterístika es el deseo de akodrar.  Ningun otro puevlo fue tan obsesionado kon la memoria.

-Me desidi de dedikar mi vida a kontar la istoria, porke he sovrebivido i devo algo a los ke se murieron. El ke no se akodra de esto es traidor.

-Kero ver una paz verdadera i un Estado de Israel biviendo en paz al lado de Palestina.

-Ay viktorias de la alma I viktorias del espirituo. A vezes se pierde en ganando.

Trezladado por Shimon Geron.- Sydney

Fuente: Ladinokomunita