eSefarad Noticias del Mundo Sefaradi
18.09.2026
Un Perro, a ken el kasap avia echado un gueso, se estava apresurando para ir a kaza kon su premio lo mas presto possible.
En pasando sovre una pasarela, le akontesyo de mirar abasho i se vido a si mismo reflektado en la agua kalma, i tan klaro komo si fuera en un espejo.
Ama el Perro, ojo vaziyo, penso ke estava mirando un otro perro ke yevava un gueso muncho mas grande ke el suyo.
Si el se uviera detenido a pensar, el avria sido mas sezudo.
Ama en vez de pensar, el desho kayer su gueso i se echo ensima del perro en el rio, solo para toparse nadando i salvar su vida asta yegar a la oriya.
Por fin el suvyo komo pudo, i kuando estava goteando i mizeravle en la oriya, se rendyo kuento ke avia estado muy bovo.
Su gueso se avia pedrido, yevado leshos por la koryente.
I el otro perro i el gueso mas grande nunka avian egzistido.
Moral: Ser ojo vazio es una koza muy bova.
Roger Brewer, Portland, Oregon, Estados Unidos
