eSefarad Noticias del Mundo Sefaradi
18.09.2026
Un pastor manseviko estava kudyando los kodreros de su patron serka de un kazal. Para englenearse, el tomo un respiro profundo i grito:
Vyene el Lovo! Vyene el Lovo! El lovo esta persigyendo los kodreros.
Los kazalinos vinieron korriendo para ayudarlo, ama kuando yegaron, no vieron dingun lovo. El manseviko se riyo a la vista de sus karas furiozas.
Unos pokos dias dospues, el izo otra vez el mizmo enganyo.
Vyene el lovo, Vyene el lovo, grito.
Una vez mas, los kazalinos se suvieron presto ensima de la kolina, i una vez mas fueron enganyados. El manseviko se rio i se rio.
Dospues, una tadre, un lovo verdadero salio de la shara para atakar los kodreros. El manseviko korrio verso el kazal gritando:
Vyene el lovo! Viene el lovo! Vos rogo ke me ayudesh. Esta vez el lovo esta aki de vedra.
Ama los kazalinos pensaron ke el estava tratando de enganyarlos otruna vez i no vinieron dingunos para ayudar. El lovo atako el revanyo i el manseviko se kedo solo i espantado.
Moral: Los mentirozos no son kreidos, mizmo si dizen la vedra.
Roger Brewer, Portland, Oregon, Estados Unidos
