eSefarad Noticias del Mundo Sefaradi
Grasia Jak Albuhayire
PALAVRA BOENA
Encontra me kon palavra boena
palavra boena de corason
para ke acte la alma yena
para ke tenga la vida savor
Una palavra boena
poertas ceradas avran
corason yelado kaenta
caminamos adelantre
Todos tenemos primura
de una palavra boena
en este tiempo terible
sin eya es imposible,
Al amigo, al vizino,
en el echo y en caza
al sano y ai hazino
dizi siempre palavra boena.
Grasia Jak Albuhayre
La poesia es bálsamo para nuestra álma, tan lastimada a veces por los avatáres de la vida … Grácias por ello por este delicioso momento que aqui nos ofreceis …
Shalom