Poesía: NO KERO KEDAR SOLO de Grasia Jak Albuhayre

Grasia Jak Albuhayire

NO KERO KEDAR SOLO

No kero kedar solo,
en este tiempo de invierno.
No kero kedar solo,
kuando esta nieve kaendo.

No kero mi korason ke este triste,
asentado en frente de ti,
sin poder avlar, sin de serka verte
pasando indeferente de mi.

Vo yamar el nombre tuyo,
en esta noche yelada.
Te va bushkar el korason mio,
no me deshes la alma amargada.

Vo yamar tu nombre – ven!
Te va bushkar mi alma – ven !
No kero kedar solo- ven!
La noche va ser fiesta- ven!

Grasia Jak Albuhayre
Livro Nº 3 – 2012
Sofia – Bulgaria