eSefarad Noticias del Mundo Sefaradi
Grasia Jak Albuhayire
MUJER
Okupada kon echos i livros
me olvidi ke so mujer.
Tornava a kaza, mirava los krios,
tenia munchas kozas de azer.
Agora kuando me akodro todo
/komo el tiempo paso sin saver/
siento kulpa – devia vivir de otro modo.
La vida paso sin entender.
Me yamavas “kerida mia”…
me enkontravas kon sonriza i flor,
alas para bolar me kresian,
mujer de verdad me sentia.
Me mankan tus manos kaentes,
tus abrasos, tu riza, tu ardor.
Estavamos de la vida kontentes.
Era tu mujer kon muncha savor.
Munchos anyos de entonses pasaron.
La vida mia sin ti se troko,
yo mujer en la vida kedi,
ma otro komo ti no topi.
Grasia Jak Albuhayre
Livro Nº 3 – 2012
Sofia – Bulgaria
