eSefarad Noticias del Mundo Sefaradi
LESHOS DE MI KAZA
Leshos kedo la kaza mia.
De muevo esto en kaza ajena.
La noche, damlas de luvia,
afuera kaen i me demandan:
-Deke bives en kaza ajena?
Te aharvaron? Te akolearon?
Deke te fuites de ayi?
Auzate, bivir aki!
Repuesta no puedo dar,
la alma se va amargar.
El korason no kere avlar!
En esta kaza ajena devo kedar.
Munchos yerros izi en mi vida
sin kerer i sin entender.
Por los yerros pagi karo,
me tomaron la manseves.
Kamini kaminos strechos i largos
sin poder la montanya ver.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
