eSefarad Noticias del Mundo Sefaradi
Grasia Jak Albuhayire
LA SOLOMBRA OPTIMISTA
En la mia eskuridad.
En la mia soledad.
Una solombra kon mi kamina,
trae klaredad en la vida mia.
Esta solombra al lado de mi
no me avla – ma yo la siento:
Skrive i – me dize- Aze lo ke prime,
kuraje, yo esto kon ti.
La vida esta tan serioza,
no esta agora tan ermoza.
Yo so la solombra OPTIMISTA
tien pasensia. Todo no se alkansa avista.
La solombra OPTIMISTA desparese,
ma en el korason esperansa krese,
ke van a venir dias orozos
de pas i repozo para todos.
Grasia Jak Albuhayre
Livro Nº 3 – 2012
Sofia – Bulgaria
