eSefarad Noticias del Mundo Sefaradi
KANTIKA – SHAKA
No, no, no kero amarte!
No, no, no kero bezarte!
Tu sos kazado kon otra mujer,
la amor mia no vas a tener.
Mi mujer vo deshar
i a ti te vo tomar.
No, no, no vo ser tuya.
No, no, no tengo yo kulpa.
Sos ermozo, sos savrozo,
ma yo kero muchacho- solo.
Mi mujer vo deshar
i a ti te vo tomar
No me kites loka- amorozo
enganyando estas – mentirozo.
La ora keres pasar kon mi,
despues, tu mujer va estar kon ti.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
