eSefarad Noticias del Mundo Sefaradi
Grasia Jak Albuhayire
INVIERNO
Ahuera esta inyeve kaendo
Los arvoles sin ojas estan durmiendo
Esto sola en la kamareta yelada
Sola, kon kolcha bien sareada.
Me enmajino ke me traes rozas
Y ke me avlas kozas ermozas
kaminando en la guerta abrasados
u en la yerva vedre asentados.
Ma tu vienes solo en mi shuenyo
kuando enkalsada ojos sero.
Me bezas kaente y me desperto
kon korason huerte batiendo.
Ahuera esta inyeve kaendo
El trigo en la tiera esta durmiendo
Un pashariko en la ventana
me saluda y pan me demanda.
Grasia Jak Albuhayre
Los idiomas y las palabras que llegan a muy pocos oídos, pues en el curso de la humanidad cambiaron el rumbo de su existencia. Como aquellos amores que pudieron llegar a ser pero nunca fueron. ¡¡LINDO POEMA!!