eSefarad Noticias del Mundo Sefaradi
Grasia Jak Albuhayire
DOS PATRIAS
Dizin ke la persona en la vida
tiene una patria kirida,
A mi, el Dio me dio dos,
ke bivan, ke prosperen, arogo kon boz.
La una es de moestros padres I la ley,
esta tierra santa se yama Israel.
Kon el sudor del djidio es arufiada,
kon rozas I flores es ensembrada.
Ayi bivin mis ermanos I mis ermanas
en sivdades lindas I aklaradas.
En sivdad santa komo Yerushalayim
I munchos ermozos kibutsim.
La otra patria andi nasi I kresi,
kriaturas miri i me enviejesi,
tiene munchas ermozuras,
djentes boenas, frutas i dulsuras.
Esta tiera kara mia
la yamo siempre “Mi Bulgaria”.
Me ergole kuando en la Bulgaria se eskurese
I la djente sin echo se emprovese
kuando kriaturas yorando I madres kriando,
en las kayes estan pan demandando.
Sufro kuando en Israel ay atentato
I yorando “Si ay matados” demando,
Agoro ke no ayga gerra mas
I ke biva el puevlo boeno en paz.
Los dias kon las djentes paso.
Las fiestas kon las Patrias fiesto.
Dos Patrias tengo yo grasiozas,
komo rozas I flores ermozas.
Dos Patrias tengo yo
Las amo I las dos.
