eSefarad Noticias del Mundo Sefaradi
Haim Vitali Sadacca, que escribió y publicó poesía en turco en sus años jóvenes, ahora compone sólo poesía en ladino, su amada lengua ancestral. Los poemas, elegidos por el propio autor, expresan las aspiraciones universales del alma humana para el amor, el afecto, la compasión, la generosidad, la paz y la armonía. Disfrutaremos en esta sección la habilidad de Haim como poeta y su dominio de la lengua ladina.
Ver todos los artículos de esta sección >>
«SIERTAS PENSADAS»
No estes tanto siguro de ti i de tu rikeza,
No se save un dia komo puedra ser tu meza,
No mires a tener borraches por tu buena fama,
Un dia seras olvidado, ninguno te ama.
Palmas i alavasyones emborachan la persona ,
Tu korason no sentira mas las bozes ke sona,
No te deshes al koriente de un rio alokado,
Deves partajar tu amor ,tu sensya i tu bokado.
No te glorifikes kon tu pasajera hermosura,
Esta natura poseda una enorme mesura,
Un dia te revoltaras kontra todos los espejos,
Te veras arugado,te toparas entre los viejos.
Bive alegre,mira a los faktos kon tu sonrisa,
Aleshate de un entorno ke tiene falsa risa
En tu serkano si remarkas por tu gloria un selo,
Fuyete sin desirle nada,sin levantar su velo.
Nunka vas endikar tu fortuna ma ni yorar yores,
Bive modestamente en dando a tu suerte lores.
Si te sentiras un pezgo por algun pekado echo,
Demanda ekskuzas i bushka tu kamino derecho.
Si el pekado era komo vino ke emborracha ,
O komo akea droga ke el meoyo lo mancha ,
Todos ivamos estar en las kayes komo lokos
porke akeos ke no pekan kreyo ke son muy pokos.
Hayim Vitali Sadacca
Montreal
De nuevo el Maestro Haim Sadacca, ha vuelto a regalarnos unos cuantos hermosos versos de su cosecha própia , repletos de ciencia y autenticidad … unos pasajes para la reflexion que llegan al álma y la templan, que acompasan el sentir, y liberan los sentimientos …
Gracias a él por brindarnos un espácio para la meditacion desde la poesia, por elevarnos el espritu a lugares superiores, por destilar en nuestro corazon, gotas sublimes de su añeja sabiduria …