eSefarad Noticias del Mundo Sefaradi
Haim Vitali Sadacca, que escribió y publicó poesía en turco en sus años jóvenes, ahora compone sólo la poesía en ladino, su amada lengua ancestral. Los poemas, elegidos por el propio autor, expresan las aspiraciones universales del alma humana para el amor, el afecto, la compasión, la generosidad, la paz y la armonía.
Disfrutaremos en esta sección la habilidad de Haim como poeta y su dominio de la lengua ladina.
«DESKRIPSYON DEL OMBRE SELOZO»
Siempre tuvo selo de la vida de sus serkantes,
Este visyo le amato sus alegriyas d’antes.
Los dias le pasan tristes, su aspekto mutrozo,
Komo si fuera estar kon su persona ravyozo.
No puede dar gozo a su entorno, ni el goza,
Su sangre esta entosigada kon grande doza.
Sus sonrizas falsas eskonden su hipokreziya,
No kreyes a lo ke dize ni a lo ke diziya.
En su aparensya ay una fuersa enganyoza
Su avla no es sensera,la mas parte danyoza.
Su selo empusha ver su entorno malorozo,
Siente alegriya kuando los ve leshos de gozo.
Tu enimigo esta en tu vida, a tu lado,
Nunka esperes ser apresyado o estimado…
Fin el dia de su oltima yida sin vinida,
No ariva adovar la rotura de su vida.
Se sela por tu fama, tu salud i tu rikeza,
Su visyo es verte desfamado i en povreza.
«No apresyes la persona a baza de su pareser
Su valor esta en su karakter i solo en su»ser».
Haim Vitali Sadacca
Montreal
«EL DIA KE TE VIYA»
Bivo kon la alegriya de kumplir mi dezeyo
Konservandote en mi sangre i en mi memorya,
Me siento komo borracho el dia ke te veyo
Esto plazyente de mi vida i yeno de glorya .
Fin kuando puedre bivi kon esta esperansa?
Tengo miedo, un dia si mis sentidos me kansa
Si las puertas se serran i tu boz no me alkansa
Rikezas i todo mi bueno a kualo avansa?
Las oras de mi edad de flores estan pasando,
Detesto los mesajes ke la muerte me enbiya.
Las kozas ke dezeyo nunka m’estan alkansando
Yo bivere kon los plazeres de kuando te viya.
Haim Vitali Sadacca
Montreal
