Poema: KUANDO TE TOPÍ de Beatriz Mazliah

Del libro inédito «TRAPIKOS DEL ALMA» de Beatríz Mazliah

KUANDO TE TOPÍ

Ke se avren los sielos
por verte pazar,
ke brilya la tierra
kuando tu la pisas,
ke kantan las flores
i avolta la mar.

Kualo ke te diga
prenda de mi alma
ke tu no supieras
kuando te topí

Todos los kaminos
se tornan mas anchos,
todas las nochadas
pujadas de luna,
todas las manyanas
inchidas de sol.